問問古博士

同大家介紹一下我們的古博士,佢會在這個專頁解答市民的各樣考古疑難、分享考古常識。

問題9


小光:古博士,我係圖書館見到《澳門考古小知識》呢本書,係咪讀左就會學識更多考古知識架?

古博士:無錯,呢本書係一本非常好既考古書籍,由民政總署出版(仲有葡文版添),佢深入淺出咁介紹左豐富的考古知識,好值得閱讀。其實台灣既十三行博物館都出版左一本《完全考古秘笈》,同樣可以幫助我地對考古進行初步了解及認識。通過閱讀呢D書籍,我地就會對考古更有認識,其實考古工作相當有趣架!嗱,呢D就係你今個暑假既功課啦!

小光:好呀,我都要快D去圖書館度睇睇先!

問題8


小明:古博士,成日聽你地講“探方”,又有人講“灰坑”,係指什麼?

古博士:在考古發掘中,為有效地測量和記錄地層資料,考古人員會將發掘區分割為若干個相鄰的正方形方格,呢D方格就叫做“探方”啦。通常係探方之間會保留1米寬的“隔樑”,作為運泥通道和觀察地層剖面。

小明:哦,好似路環考古現場正方形一格格的就是“探方”!咁“灰坑"又係乜東東呢?

古博士:“灰坑"簡單而言,係指古人的垃圾坑。裡面一般會有好多考古遺物,種類繁雜,對於研究古人的生活好有幫助。不過路環船鋪街目前仲未搵到灰坑喎!

小明:哦,明白了!

問題7


紅姐:咦,我今日經過考古現場,聽到佢地話填番一部分考古坑喎,點解要填番佢?

古博士:通常我地將考古探方掘到底,了解清楚地層狀況,全面記錄出土文物後,便會將文物收起保存。確保沒有任何文物留在探方後,就會用原本掘出的泥去填番個探方,考古上叫做“回填”。以路環為例,有些探方已掘到2.5米至2.7米深,為左安全起見,發掘完成的探方這兩天已開始回填啦。

紅姐:嘩!2.7米 ,成層樓咁高,掘完後,都係回填番好。如果唔係有人唔小心跌左落去就危險啦!

問題6

路環居民林伯:古博士,我好心急想知道路環船鋪街填土層下面會吾會有其他文物呀 ?你快D話我知啦~

古博士:其實路環考古發掘工作仍然進行中,不過見林伯你咁心急,我就話你知啦。一般來說填土層之下發現到考古文物的土層,我地會稱做 “文化層”。今次路環都有發現文化層,仲出土左“幾何印紋陶片”同“石器”添!

路環居民林伯:哦,我明白啦!

問題5


寶寶:古博士古博士,今日凌晨澳門落過雨喎,對路環考古現場有無影響架?D文物有無事呀?

古博士:其實落雨又有咩好怕喎,今日凌晨的降雨量,沒有使路環船鋪街的地下水位升高,所以對路環考古現場及文物無影響,大家可以放心。

就算突然落暴雨,都可能只會令地下水位短時間輕微升高,加上考古隊已有充足裝備,會因應實際情況進行排水程序。

寶寶:我睇天氣報告,接下來幾天都可能會落雨喎,考古隊有無咩預防措施?

古博士:問得好好,其實考古隊已在考古坑周圍設置水泥圍基,防止地面雨水流入坑內。另外,考古隊會密切留意天氣狀況,盡快將已掘出的文物作全面記錄後收起保存。對於仍在探方內的遺跡會覆蓋保護好,令到佢吾曝露出黎。你睇考古隊已經有一系列的應變措施,放心啦。

問題4


路環居民林伯:之前聽人講船鋪街挖到好多文物,但係我見到有個雙喜碗我屋企都有喎,呢D都係史前文物?

古博士:林伯,船鋪街考古隊從地面以下發現的雙喜碗、蠟燭台等是屬於近代物件。同時,考古隊又發現很多現代垃圾,例如膠袋、拖鞋等,所以這一層明顯不是原始土層,考古學家通常會稱做“填土層”或“擾亂層”。

路環居民林伯:咁填土層下面會唔會有其它野? 

古博士:咁就要繼續留意呢個專頁啦 

問題3


文仔:我又有野問啦!點解我見到個考古現場有D發掘坑(探方)有水,而有D坑又沒有水呢?

古博士:呢位朋友你真係觀察入微啦,因為這些水不是由雨水形成的,而是地下水。圖中所見,較深的坑已掘深過地下水位,所以坑中有地下水是正常現象,而無水的坑是因為未掘到地下水位,因此沒有水在坑中。

咁你都注意到不是每個坑都有水,即是話,如果落左雨,應該係全部地方都會有水啦,你話係唔係?

問題2


關小姐:我在6月14日的《澳門日報》見到路環考古現場的圖片,有無搞錯,點解d考古坑浸哂水ga?

古博士:哈哈,戈d考古坑叫「探方」,現時有些探方已挖低過地下水位,所以有地下水滲出,係正常現象來的。昨晚已經有網友作出充分說明。出地下水的探方已經挖到第8層,戈層已經無文物了,放心!

關小姐:咁點解唔抽走d水?

古博士:專家在進行上一階段的考古調查時,已經知道挖到這個深度會滲地下水,所以在早前挖出地下水時已經進行過一次抽水;地下水抽完還會滲出,這是自然現象,考古人員會作出評估,在需要時會再抽水。

關小姐:有文物戈層,d文物去哂邊度?

古博士:問得好!所有文物出土之後會做全面的測量和記錄,之後拿到實驗室作研究,這是恰當的考古步驟。文物移走後,考古人員會繼續展開進一步的考古工作。

關小姐:咁如果落雨點算?

古博士:現時考古發掘出來的文物主要是石器和陶器,出土的文物(特別是陶器)會被妥善保管,至於石器文物,即使有雨水對佢地影響不大。

關小姐:我上星期日去考古現場,點解無人ge,係咪已經挖完?

古博士:考古工作仍在積極進行中,星期一至六都有考古人員在發掘。

問題1


陳先生:嘩,你地係呢個地方露天考古,怕唔怕有人來破壞架?


古博士:唔駛擔心,以路環船鋪街考古項目為例,我們係5月7日考古工作開始時,已經對考古現場進行保護,並設置保安人員,而家考古現場係有2名保安人員24小時駐守,還用了鐵馬進行圍封。同時,為採取適當措施作出保護,我們已經通報左警察當局加強巡邏。在保安措施方面多管齊下,可以放心。